Jazz叫好叫座，的骰小車卻做到內櫳闊落，慳油之餘亦算好力，香港地都有好多家庭客捧場。Honda下年將推出全新款小車，雖然尚未命名，但從外形睇，實在流露着濃厚的Jazz風格，頭燈及氣壩設計更前衞有型，且體積縮細，但仍是一架五座位車款。縮水Jazz估計售價約$10,000美元，主力銷售印度及泰國，香港會否引入？相信要睇叫座力喇！