【綜合英格蘭外電】周日的社區盾，在很多球迷眼中是今季英超爭霸的前哨戰，英國《衛報》指出近季「紅」「藍」兩軍那隊季前戰績較標青，都可成為英超冠軍，若按此推斷，季前賽較標青的曼聯應可……。
近年英超都是曼聯與車路士的天下，瓜分了多季錦標，其餘球隊都只得靠邊站，而以對上5季計算，車路士與曼聯那一隊在季前取得理想戰績，都可把強勢帶到最後。
去季的車路士在季前保持不敗，贏過米蘭雙雄，到社區盾又憑互射12碼把曼聯擊退，9個月之後，車路士球員捧的不再是社區盾，而是聯賽冠軍獎盃。
曼聯在前季的情況相若，該隊在南非集訓兼「拍跳」，結果打敗了多支球隊，返回國內亦延續強勢，結果造出7勝2和的季前驕人成績；至於在社區盾，雖然曼聯略為失望地被樸茨茅夫悶和，但最終仍憑12碼勝出，而那一季，最終曼聯都達成英超3連霸的目標。
類似的情況，在之前幾季也出現（見附表）；今季，曼聯至今的季前賽戰績為6戰4勝2負，不算特別理想，至少已比4戰1勝3負，包括近期3連敗的車路士好得多，依數據推論，今季曼聯封王機會較高。
近5季英超盟主季前戰績
09/10球季冠軍：車路士 該季季前賽戰績：4勝1和0負
08/09球季冠軍：曼聯 該季季前賽戰績：7勝2和0負
07/08球季冠軍：曼聯 該季季前賽戰績：8勝1和2負
06/07球季冠軍：曼聯 該季季前賽戰績：9勝0和2負
05/06球季冠軍：車路士 該季季前賽戰績：5勝1和0負
資料來源： http://www.guardian.co.uk
《花絮》
朗尼為愛犬大裝修
曼聯前鋒朗尼嘅老婆高蓮為咗唔想幾隻愛犬凍親，就決定叫朗尼使咗10,000鎊喺佢哋價值450萬鎊嘅豪宅嘅地板下安裝暖氣；朗尼周薪都成10萬鎊，使少少錢就可以令到愛妻高蓮開心晒，呢10,000鎊使得好抵啦！
安歷卡騎呢捧熱刺
31歲嘅車路士前鋒安歷卡又發表「偉論」，佢話今屆車仔嘅首要目標係贏歐聯，要贏英超都要同Big3「爭餐飽」，之不過佢竟然話佢個人會睇好由哈利列納領軍嘅熱刺。
馬尼拿「升呢」吹大賽
今屆社區盾邊個做球證係外界焦點，最終揭曉為39歲嘅馬尼拿，呢場係馬尼拿首次擔任大賽嘅球證，佢之前多數都係擔任第4球證，好似上季足總盃決賽咁，唔知到時會唔會有蝦碌呢？
杜奧巴為善不甘後人
香港市民喺8月8日可以免費享用康文署嘅康樂設施，估唔到英國都有呢類活動，就係車路士前鋒杜奧巴贊助，同慈善組織《HelpaLondonChild》合作，將喺英國7個地點，預料有超過4,000名5至15歲嘅小朋友獲得超過20類運動項目嘅課程訓練。