人氣o靚模Angelababy、周秀娜和JessciaC.等昨晚出席雜誌舉行的頒獎禮，齊齊獲封人氣女模，惟獨Baby缺席，JessciaC.為收復失地露半球搶風頭。但論受歡迎程度仍以周秀娜稱冠。同場的浸大咪神楊梓瑤（Carol）和百果園E神陳靜同台行騷，台上零交流，台下卻大方合照。
今夏o靚模蜂擁而出，競爭很大，人氣o靚模Angelababy和周秀娜去年熱鬥至今，沒完沒了，今年再加入了生力軍浸大咪神Carol和百果園E神陳靜等，眾女昨晚在尖沙嘴出席「CMYoungModel2010」頒獎禮。Baby與周秀娜在書展期間惡鬥到底，Baby曾說冇當周秀娜是對手，兩女昨日雙雙獲邀出席頒獎禮，Baby缺席，周秀娜就遲到1小時，盡顯一姐風範。
JessicaC.低胸贏晒
大會昨日頒發人氣Top5超級youngmodel，分別是周秀娜、JessciaC.、A.Lin、Anjaylia和Baby。頒獎禮前，大會先安排Evelyn打頭陣行騷，其後Carol和陳靜也同台行騷，但二人台上零交流。Top5超級youngmodel得獎者都升呢不用行騷，JessciaC.為挽回人氣，昨日以低胸裝到場，再敲響招牌警鐘胸，成為全場焦點，現場吸引約百名龍友和觀眾圍觀。
JessciaC.露半球搶人氣，她說：「今日知多model出現，我少少性感，主要係想型格啲，同打扮女仔可愛啲。」JessciaC.談到與周秀娜再碰頭，她說：「我哋成日一齊工作，雖然唔係好friend，但熟咗。」
陳靜封口避辣火頭
周秀娜昨日否認自己遲到：「我依大會指示到場，一直喺後台同導演（葉念琛）傾劇本等出場。」對於被指是場中一姐，出場時歡呼聲也最多，周秀娜卻謙稱：「我從來唔係一姐。」
陳靜早前在動漫節曾揶揄Carol犯規要被踢出校，但兩女昨日卻戲劇性泯恩仇大合照，陳靜先說：「我哋有打招呼，不過喺後台好忙，冇乜時間傾偈。」陳靜昨日明顯避談Carol，她說：「我口才唔好，所以唔好講太多，費事辣太多火頭，新人唔應畀咁多意見。公司有叫我封口，唔好批評太多人哋的嘢。」Carol聽後卻寸嘴回應：「佢有佢講嘢方法，佢咁做證明佢進步咗，我都開心嘅。」Carol也力指與陳靜沒仇怨。
採訪：譚倩宜 攝影：陳俊強