張燊悅、廖碧兒和樂易玲昨日在尖沙嘴出席防止虐待兒童會活動，懷胎九個月、肚大如籮的張燊悅，終於着平底鞋出現，三人上台拎獎後，工作人員接回獎項，卻大意打爛，在台上的張燊悅即時用手拍一拍肚皮，似乎嚇一嚇。
「入院好刺激o架」
張燊悅說：「唔係驚，係佢（BB）踢我，9月頭生，家隨時都生得，過咗危險期喇。」問她今胎仔定女，張燊悅就繼續保密：「未開得估住，因為仲收緊朋友嘅盤，佢哋估係仔多。」她謂貪玩開盤估性別：「贏咗當幫補奶粉錢。」問她為何腹大便便仍出席活動，她說：「因為我同呢個會合作咗好耐，以前係兒童大使，家係媽咪大使。今次第二胎，啲親友都冇咁緊張，不過，老公（楊哲安）會私人請假，陪我生。我都好期待，入院好刺激o架。」
樂易玲就回應TVB和CASH的金錢轇轕，她說：「我哋係CASH會員，佢哋不嬲有幫我哋收錢，我哋TVBMusic又有收佢哋支票，我哋好supportCASH，CASH都好support我哋。」她謂沒聽過CASH流行大賽延期或取消，至於四大唱片公司的版稅，樂易玲則表示09年的已解決，未來的則仍在洽商中。
採訪：梁錦雯 攝影：黃文成
