表達愛嘅方式可以有好多種，好似直接講聲「我愛你！」咁，之不過想再激啲就可以玩吓紋身。英格蘭「萬人迷」碧咸就將佢3個仔嘅名字，都紋咗上身，作為「愛的紋身」。我求大俠本身唔係紋身愛好者，對呢樣嘢有少少保留，之不過英格蘭前鋒朗尼（右）同佢老婆高蓮（左）就對「愛的紋身」好着迷。24歲嘅朗尼就將囝囝（中）「Kai」個名紋咗喺背脊，老婆高蓮早前都喺美國拉斯維加斯嘅紋身店入面，將「Kai」個名紋咗喺手腕上。最搞笑嘅係，當朗尼同紋身師傅講佢係為代表英格蘭國家隊，出戰南非世界盃成員時，佢哋唔係好信。冇法啦，美國人一向對足球冷感o架嘛！