對於美國40名富豪承諾捐出一半身家做慈善，李嘉誠昨回應稱：「第一，我嘅健康好好，我亦都好滿意；第二，我個基金，即係我第三個仔，係最有錢嘅，有我三分一嘅財產……我唔理第二個，我呢三分一係真金白銀捐出嚟」，看來李嘉誠無意仿效美富豪。
他又說：「我一向唔鍾意出名，過去基金會超過80%嘅錢，都係用喺中國人嘅地方，就係大中華地區，過去三年係最艱難嘅時候，但係2008、2009、2010年，一共捐咗52至53億元，係aftertax（稅後），而和黃同長實兩間公司只係commit（捐）咗兩億幾，咁呢個數字，你可以知道我嘅取向」。
他透露，基金會未來10年捐出的金錢，一定會比過去30年總和為多，下個月基金會將有新項目公佈。至於近日盛傳包括長實在內的四大地產商將成立扶貧基金，形式是透過每年撥出盈利0.5%至1%作慈善，他無正面回應。
君子愛財 用之有道
對於有甚麼生意是他想涉足的，李嘉誠說：「好多法律允許嘅生意，可以賺好多錢，我都唔做（係咩生意？）我唔會講，我要保留我自己內心嘅秘密。譬如有樣生意好多人覺得唔係幾好，但法律允許嘅，我都唔做，總之，君子愛財，取之有道，但更要用之有道。」
被問及心目中理想特首人選時，李嘉誠重申：「上次都咁講，四個字，信任同勝任」，他個人認為，特首要得到港人信任，國家要對他有信心，做到令人信任和勝任的人，他個人是支持的。
純利119億
「不覺得樓市有泡沫」
長江實業（001）昨公佈截至6月底止中期純利119.23億元，升4%，優於市場預期，主要是入賬的賣樓收入及攤佔和黃（013）盈利增加，中期息維持每股0.5元，主席李嘉誠收息4.9億元。
長實靠賣樓多賺4%
李嘉誠對樓市前景保持樂觀，表示基調良好，需求由用家主導，對物業交投及價格起到支持作用。副主席李澤鉅補充說，目前利率低企，雖然要預備利息回升的風險，但市民置業的負擔能力仍然良好，不覺得香港樓市出現泡沫。
對於目前新盤樓價偏高，甚至可能與市民收入脫節，李嘉誠繼續呼籲市民買樓要量力而為，「投資物業，自己有能力，唔使借好多，（即使）買貴咗，幾年後都會覺得買得平。」他強調，樓市健康與否要視乎個人財政狀況，「如果50至60%（樓價）自己畀到就無事」。
長實上半年售樓收入186億元，大增30%，主要來自海珀名邸、半山壹號1、2期、領都、名城1期及Conduit18，公司預期，栢慧豪廷、領峰及未開售的名城2期可於下半年入賬。
分析員引述長實管理層稱，上半年售樓收益有73%來自香港物業。下半年推售樓盤包括馬鞍山天宇海、名城2期、洪水橋項目及日出康城2期C部份，洪水橋項目及日出康城或延至明年推售。分析員料，單計天宇海及名城2期，下半年套現150億元，全年套逾300億元。
至於買地策略，李澤鉅向分析員表示，價錢合適才會買，集團在港土儲約4000萬平方呎，足夠5至6年發展。被問到長實為何沒有競投山頂聶歌信山道地皮，李澤鉅笑言每間公司都有「潛水人」（代表某發展商的不知名買家）舉手，李嘉誠接着說：「Victor（李澤鉅）唔舉手唔等於長實無舉」。