【本報訊】除煲得一碗靚湯外，為人父母望子成龍將來又要學多一招，就是陪子女跑步減壓。皇仁10A狀元郭捷彬的母親辭工陪伴兒子應付會考，閒來與兒子到將軍澳運動場跑步，結果跑出佳績，她說：「佢跑15個圈，我都跑10個圈o架。」
受母親影響常做義工
原是銷售員的郭太3月辭工，她說：「我哋返晒工全屋得佢一個，有晚佢話好辛苦，喊咗出嚟，我覺得應該辭工陪佢走呢段路。」郭太辭工後，全家只靠郭捷彬任職九巴司機的父親萬多元月薪支撐，幸智商達131的郭捷彬從來不用補習，其中會計科更是今年初才自修應考。
郭捷彬說：「我好多謝媽咪支持我，佢見證咗母愛嘅偉大。」他自小受母親影響，經常做義工，曾在深水埗義務替基層學童補習，理想是幫助弱勢社群，成為大慈善家，「最好可以係世界性咁幫到更多弱勢社群，或者做醫生都可以幫到好多人」。郭家是基督教家庭，長子正在美國傳教，次子郭捷彬又說將來要奉獻社會，郭太笑言不擔心一家無收入，「我好支持佢哋咁做，呢啲係神嘅祝福」。
皇仁書院過去兩年僅得一位10A狀元，今屆末代會考大翻身，除郭捷彬，還有彭嘉裕和趙致遠三人得10A，全校共有24人考獲6A以上成績，可參加拔尖計劃。