鄭欣宜與謝婷婷份屬世交好友，昨日齊齊為Levi's扮牛女，婷婷身穿熱褲，好不養眼，瘦了不少的欣宜也大讚婷婷夠苗條。欣宜謂現在減肥不會自殘扣喉或不吃東西，現在會「食得飽」地減肥。
鄭欣宜和謝婷婷昨日齊齊在柴灣工業城影樓，為Levi'sCurveID系列相展拍攝宣傳照，稍後將參與的還有徐濠縈、何韻詩、吳雨霏及廖碧兒等。
婷婷穿了超短老牛，欣宜也不禁大讚她說：「記憶中佢冇肥過，一直好苗條，好標準身形好健康。」記者問到欣宜有否信心穿短牛，她說：「家有photoshop，所以唔驚，平時好少着短褲，因為自己比較粗魯，要斯文少少先OK，不過自己比例上大腿比較幼，當然對自己有信心。」
嫌身厚戒煎炸嘢
問欣宜最近的減肥狀況，她說：「自己都想瘦少少，手腳已經OK，不過個身好厚，家戒晒煎炸嘢，唔會唔食嘢減肥，好似陳太（陳淑芬）送盒朱古力畀我，我會食一粒黑朱古力，其他送畀人食。」會否扣喉減肥，她說：「細個唔識諗試過，不過係自殘方法，以為係最易減肥方法，連肥姐都唔知，家唔會唔食嘢減肥。」
婷婷禁家人探班
此外，婷婷透露首拍電影《少年李小龍》，她說：「拍咗一日都唔係太辛苦，練記對白易過去event記產品資料。」婷婷透露男友安志杰有去廣州探班，她笑說：「我鎖佢喺房唔畀佢去片場，因為我怕醜，爹哋媽咪都話嚟，我話最好唔好，驚影響到我，除非唔愛佢哋，先可以當佢哋唔存在。」
採訪：R.AuYeung
攝影：ChenWaiOn