周秀娜昨日帶着四個o靚模師妹到澳門出席活動，眾女被安排食雪條，四師妹更要給周秀娜用水槍射濕，辛苦錢不易賺，最後周秀娜也不忍射濕她們。對於每日都要着到性感賣肉騷身材，周秀娜表示不介意，堅持後生要做多點工作。
周秀娜昨日再率領四名新8模師妹陳靜儀（Mia）、何佩瑜（Jeana）、黃雪瑩（Suki）和徐熙素（Hazel），到澳門新葡京出席「澳門百萬元大賽2010」記者會。
穿上低胸裝襯熱褲的周秀娜與四名師妹被安排食雪條，四師妹還要分做兩組在波波池玩踩氣球，輸了那隊要給周秀娜用水槍射濕身，認真陰功。同是o靚模的周秀娜卻高人一級，不用濕身，還可以擔任裁判，負責射水懲罰師妹，不過周秀娜不敢認高班，她說：「唔係，我都冇射濕佢哋。」對於經常被安排食雪糕食雪條，她笑說：「都好，搵個product係關於我自己，可以做吓代言。」
Theresa讚身材好
周秀娜透露原本打算去旅行，可惜沒時間，她說：「嚟緊要跟旅行團去旅行做嘢，我都當自己去旅行，係同一班鍾意攝影嘅人一齊去，我就做模特兒畀佢哋影。」不過她重申，到時不會只穿三點式，外面會加背心外套，怕不怕團友即刻退款？她說：「唔怕，佢哋係鍾意攝影嘅。」
梁詠琪早前直指讀書不成的少女去做o靚模的想法是錯，Suki說：「我覺得行行出狀元，我唔鍾意讀書，但係我有學嘢。」Hazel謂當年會考有21分，她說：「我覺得應該多方面嘗試，等自己有更多經驗。」
此外，周秀娜昨晚與傅穎（Theresa）到長沙灣，為電影《熱浪球愛戰》進行訓練。周秀娜一身運動look示人，Theresa則穿上長褲及戴上黑超。記者笑指戲中不乏身材好的女演員，票房應該不俗，周秀娜說：「大家應該睇球技，唔會拎身材嚟比。」Theresa就大讚周秀娜身材好，又透露自己早前與JessicaC.一同練排球，問她有否與緋聞男友羅仲謙一起練習，她笑笑口說：「現實佢唔係我男友。」
採訪：楊潔雯、馬建華
攝影：彭琮然
