美股在道指升上10600之後，花旗股市缺乏方向感，憂慮經濟前景嘅情緒同埋聯儲局再向市場放水嘅揣測炒埋一碟，道指喺高位徘徊。
美元轉弱為市場帶來新波動，但港股走勢繼續偏好，雖然恒指噚日受制於21600，但日線圖出現雙黃金交叉，10日線穿250日線加埋20日線穿100日線，係非常強嘅向好訊號，港股反覆炒上試關機會好大。
信行C輪22860：中信銀行（998）噚日報收5.52元，升0.3%。股價過去一段時間受制於250日線，呢個禮拜向上突破，成交增多，周線圖同時出現突破，炒上可試4月高位6.10元，破位睇6.30元，可以諗吓隻C輪22860。
隻輪現價41仙，2010年11月29日到期，行使價5.68元，溢價10.3%，引伸波幅38%，槓桿率13.5倍（有效6.6倍），正股升上6.30元，22860睇88.9仙，正股跌穿5.32元就沽咗隻輪。
俊樺