會考昨日放榜，出了16名十優狀元，不過同屬今屆末代會考生的o靚模卻全軍覆沒，令人懷疑她們平日掛住出寫真做活動，因而未能兼顧學業。當中最好成績可算是新8模成員Betrys，考獲12分成為最叻o靚模，至於Donuto靚模團的Sweet僅考獲1分，Rainbow得2分卻賴考試失準；妄攝o靚模Cat則不肯透露成績，毒模周凱盈更誇張到寧去旅行也不取成績單。不過低處未算低，o靚模們也不用氣餒，猶記得當年裕美會考獲0分，也成為一時「佳話」。採訪：譚倩宜 攝影：黃文偉
Sweet1分 讀工商管理
Donuto靚模團成員Sweet，就透過經理人Admond透露今年會考只靠中文科獲取1分，她自言對成績結果感到非常失望，她接受電話訪問時說：「我今次報考咗中、英、數、商業、經濟，家得1分，我會繼續搵學校，或者去英國文化協會報讀課程，亦都想學普通話，之後可能約埋Rainbow讀工商管理嘅科目。」
Rainbow2分 報夜校或重讀
胡心諾（Rainbow）昨日由經理人兼緋聞男友Admond陪同到旺角某私校領成績單，Rainbow原本一出現也輕鬆露笑容，但得知會考成績僅得兩分後，立即冇晒笑容，她說：「原本諗住中文會最好，但臨時失準，自己唔想中五就算，都怕唔夠人競爭，所以之後會修讀課程，都想重讀或者讀夜校，但會同時兼顧工作。」Rainbow之後更到城大索取課程資料。
嫩版杏兒12分：赴日本學化妝
新8模成員「嫩版杏兒」Betrys昨日一早8時30分到土瓜灣天光道新亞書院領成績單，雖獲得12分，但她不感滿意，她說：「成績好定唔好都盡咗力，只係未可以同屋企人交代，因為我搬咗好遠，所以要喺東涌嗰邊搵學校，會考只係人生嘅階段，以後條路係點都未知，亦都唔知將來發生乜事，自己會努力，都想堅持喺呢行，搵多啲錢完成去日本學化妝嘅夢想。」
妄攝Cat灑淚：成績好唔理想
被指貌似李嘉欣的妄攝o靚模Cat曾自信十足升中六，但昨午她卻獨自現身杏花新城商場，只見她全程顯得悶悶不樂，失落地邊行麪包店邊講電話，更不時拿紙巾抹眼淚。及後Cat接受電話訪問時，不肯透露分數，並自言趕住拍MV開工，她說：「成績好唔理想，係預料之外，所以唔想講，呢個係人生其中一個失敗，自己因為應承咗人拍MV，所以冇得改期，自己想留喺演藝事業發展，但一切要同家人商量先。」
毒模周凱盈 唔攞成績去旅行
今年初因藏毒被捕的周凱盈（Monique），日前接受訪問時預計自己有10分，但昨日她未有到學校領取成績單，反而一早就與家人到台灣旅行，她更在微博上詢問大家台灣有甚麼美食推薦，擺明完全不擔心會考成績，似已打定輸數。其經理人Karl說：「佢唔係驚面對會考結果，只係一早plan咗同屋企人去旅行，不過就算佢夠分都唔會升中六，因為佢覺得太死板，佢想讀啲語文課程，佢返香港後就會再拎番張成績單。」
梁榮忠 中文會話遜英語
現年45歲的梁榮忠（中）今年也來湊熱鬧，以自修生形式報考，他報考了中文、英文及旅遊科，英文科會話有B，反而中文科會話只得E，令他大感意外，他笑說：「中文會話得E真係令我失望到喊，反而英文真係好意外，因為我成日都俾其他主持笑英文渣，不過家我就可以過檔英文台，跟UncleRay合作做主持啦。」
