【本報訊】近年會考狀元每年動輒超過10人，但早年每屆只有一人，當中包括做過立法局議員的李汝大。就讀九龍華仁的李汝大，1962年考得7優1良，同年讀香港華仁的特首曾蔭權歷史科肥佬，最終考不上大學，他笑說：「當年我威過佢，家佢叻過我喇。」
從前中學未有分文理科，李汝大既報考歷史和文學，也考生化數，總共10科，最終獲7優1良，打破兩間華仁歷屆紀錄，老師和同學均欣喜若狂。他昨日憶述說：「當時傳媒都有採訪，我仲請同學仔嚟屋企開大食會慶祝。」
「成就同成績未必有關」
雖然自詡聰明過人，但要成為文理全才，李汝大表示智慧、勤力和運氣缺一不可。他在應考前幾乎因失眠而失手，「我考試從來都唔緊張，估唔到會考前一晚竟然緊張到失眠，要去睇醫生食鎮靜劑至瞓到，好彩後來冇事」。
人人說末代考生前路難行，李汝大則說：「成績好條路當然闊啲，但考得唔好一樣可以成功，你睇曾蔭權就知。」李汝大從政時認識曾蔭權，後來才知曾蔭權原來與他同年考會考。如今曾蔭權是特首，自己則是退休商人，李汝大笑說：「一個人將來嘅成就同成績未必有關嘅。」