汪圓圓昨日身穿紅色tubedress，與模特兒周倩圯到apm出席末代會考生打氣活動。圓圓於外國長大，沒有受過會考洗體，不過她透露對讀書要求十分高，她說：「細個讀書要考到滿分，少一分都覺得失敗，我會坐喺全班最叻嘅同學隔籬，好似比賽咁，都幾好勝，家大個咗明白考試係一個測驗，進步緊要過成績，好多成功人士未必完成大學。」
記者問到現在工作態度會否一樣好勝，圓圓笑說：「家冇乜好勝，如果好有興趣嘅工作，都會做到最好，好似姐夫（甄子丹）咁就完美。」
明年出書
有否視哪個藝人為假想敵，圓圓說：「所有artist都好好，都係我學習對象。」她還透露明年有出書的計劃，她說：「唔會係寫真，會出啲特別啲嘅書。」
採訪、攝影：R.AuYeung