應屆出爐港姐質素再創新低，更被冠以「豬扒港姐」，真慘情。不過當事人、出爐港姐冠軍陳庭欣昨日出席活動時，毫不抗拒此稱號，並以得意形容，皆因豬仔都幾可愛。而一班過去冠軍級港姐如陳法蓉，昨日在慧妍雅集就職活動上，也為出爐港姐講好說話，陳法蓉更婉轉地表示「真人靚過上鏡」。
由歷屆港姐籌劃的慧妍雅集昨日在中環舉行就職記招，今年由趙雅芝升任會長，其他成員陳法蓉、曹敏莉和莫可欣等冠軍級港姐現身出席支持。對於熱燙燙的出爐港姐被網民指質素新不如舊，更冠以豬扒港姐，作為師姐的陳法蓉說：「當晚我有做現場嘉賓，真心話係真人靚過上鏡，靚唔靚，各花入各眼，好主觀，就算係環球小姐，唔鍾意都會覺得唔靚。」
趙雅芝則對網民以豬扒來形容表現驚訝，她說：「唔係嘛，之前睇過報道，覺得佢哋越嚟越靚。」記者問她會否覺得港姐質素下降，她力撐說：「唔會，可能見我哋耐咗，熟識我哋類型。」
黃進達同場避忌
此外，出爐港姐冠亞季軍的陳庭欣、張秀文及莊思明昨日馬不停蹄到贊助商出席領獎活動，她們到金鐘出席康泰旅行社頒獎活動，與陳庭欣傳緋聞的康泰太子爺黃進達在場顯得十分避忌，刻意與陳庭欣保持距離。
問冠軍的陳庭欣被網友冠以香港豬扒及笑容似余慕蓮，她笑笑口說：「可能有啲角度，我唔覺得余慕蓮係一個負面人物，自己唔介意，豬扒都好得意，因為豬仔都幾可愛，唔會因為負面嘢影響心情，討論區評論有好有壞，好咪開心，壞嘅都唔會傷心。」
莊思明自封花姐
至於莊思明被彈髮型像花師奶、樣貌像周啟邦兒子周國豐，她說：「『花姐』個名係自己改，自己都識得周國豐，唔好意思拉埋佢落水，每屆賽後都有好、有唔好嘅評論。」
採訪：R.AuYeung、MaKinWah
攝影：ChanChiLam
