前九人女子組合Cookies各散東西多年，其中四餅碎Angela、Elaine、Gloria和Helena即將開騷，Angela昨日透露已邀請舊拍檔鄧麗欣（Stephy）和傅穎（Theresa）屆時敍舊，可惜繼Stephy以工作為由推辭後，昨日Theresa也聲稱不能出席，推卻好意。
前女子組合Cookies其中四名成員區文詩（Angela）、何綺玲（Elaine）、陳素瑩（Gloria）和馬思恒（Helena）下周三會在九龍灣舉行音樂會，昨日她們在尖沙嘴出席記者會，席間廣發英雄帖，邀請前隊友鄧麗欣、吳雨霏（Kary）、楊愛瑾（Miki）和傅穎屆時出席。另一前成員蒲茜兒（Serena）當晚也會偕未婚夫到場欣賞，實行要餅碎聚首一堂。
四餅願做和事佬
不過，Angela表示暫時只有Kary答允出席，但大家已約定明年1月出席Serena在港舉行的婚宴。Stephy和Theresa一直傳不和，問到餅碎會否充當和事佬？她們說：「如果佢哋真係有唔啱咪做和事佬，不過我哋相信冇咁嘅需要，佢哋以前係孖公仔，可能係宣傳。」
音樂會完畢後，四人會否回歸樂壇？Gloria表示演出後將返英國考會計師牌，明年畢業返港執業過新生活；Helena則會先返美國讀書，不過對模特兒工作有興趣，有機會都會嘗試；一直居於澳門的Elaine坦言順其自然，只有Angela會繼續在圈中發展。
此外，Theresa昨日在清水灣片廠拍攝新歌《加加夫人》MV，以一頭短白髮加窩釘性感舞衣上陣。提到四餅開音樂會打算邀請Theresa出席，Theresa答案竟跟死敵Stephy一樣，她說：「我都好想去，但係嗰日要拍唱片封套，所有嘢都定晒，冇得改。」
Theresa：冇乜聯絡
講到跟四餅碎的感情，Theresa坦白說：「大家都好多年冇見，中間時間冇乜聯絡，可能我係一個唔會主動搵人嘅人。」她謂不介意將來九餅重聚再合作。至於四餅聲言不介意做Theresa和Stephy的和事佬，Theresa說：「我同Stephy唔會嗌交，我哋都一樣，係唔會出聲。」莫非放在心中？她即刻說：「唔講喇！」
採訪：何慧斯、楊潔雯 攝影：黃文偉