每晚自摑百下　吳君如V-Shape面

訪問吳君如（三姑）過後當晚，我回家照照鏡，心諗若到三姑那四十有五的年紀仍容光煥發，才算沒白花這些年的護膚心機。好，我下定決心學習三姑。可AQ名貴面霜要我九千大元，不過想要明日果，最多我少買幾件衫儲錢買貴Cream！他日當三姑，都要像君如的「靚三姑」。

記者：胡卓琳
攝影：陳陶鈞
Makeup:ArrisLaw
Hair:KelvinKoo@HAIR
Outfit:FENDI

（右）AQMELIORITYIntensiveCream$9,000/45g、AQCyto-GenTotalLift$1,150/50ml

圖右為三姑所講AQ的名貴Cream，含30種美容成份，在未做代言人前已經使用。圖左這支TotalLift精華素，三姑將其使用方法變通後作每日的妝前打底，聲稱底妝貼到爆！

三姑公開護膚秘方

與人相處多年，屬邊類人多少都總能從心感受到，吳君如心直口快，有問必答，絕對是Nice一類，她襟撈除了因為她性格爽朗，相信還有她那白滑皮膚，和仿似不老的容貌，羨慕得我呢！「哈哈……我的護膚心得就是我很喜歡護膚，很喜歡護膚都算係心得來的，因為護膚一定要有恒心，簡單的護膚，不用過份複雜。我由小到大的護膚秘訣都很簡單，除了着重清潔，我會盡量早晚敷面膜，尤其留意眼部肌膚，勤用眼霜；睡眠時候選擇一隻好的面霜；以及最重要是出街前記緊塗防曬。仲有，我好勤力o架！為了靚靚V-Shape面，我每晚都會用精華素或者按摩膏在下巴位推向耳位，每晚一百下，好Worko架！」袋住三姑醒的護膚三寶加「自摑」V面秘訣，學習兼參考，持之以恒，自然靚。

■三姑作為代言人，品牌開舖當然要去撐場啦！

用家代言句句真

三姑話同COSMEDECORTE合作係緣份：「我生女之前已經用了AQ那盒超名貴的Cream一段頗長的時間，唔知係咪因為貴呢，搽完第二朝起身又真係覺得自己靚咗o架喎！咁啱佢哋搵我做代言人，好咯！唔使扮用或者嗰時先開始用，因為我係真正用家，可以隨口都講到AQ護膚品的好處。」幾時都話三姑份人夠真，連護膚品都真係用過好先會介紹。三姑仲話自己有用AQ的偏方，「我會用AQ的提升精華素來作妝前打底，雖然這不是用來打底，但我發覺護膚後、化妝前用佢嚟打底，之後上粉真係貼到不得了。」產品係死，人係生的，護膚品化妝品點用，其實只要用過覺得Work，WhyNot？