隔牆有耳:盈盈、樂樂邀請小朋友慶生 - 李八方

隔牆有耳:盈盈、樂樂邀請小朋友慶生 - 李八方

嚟咗香港三年嘅大熊貓盈盈、樂樂即將慶祝5歲生日,海洋公園幫佢哋舉行生日會,公開邀請五個同盈盈、樂樂「同年同月同日生」嘅香港小朋友,參加8月8日舉行嘅大熊貓生日派對。
盈盈、樂樂分別喺05年8月16日及8日出世,與佢哋出生日期相同嘅小朋友(必須係香港居民),即日起可以喺辦公時間內(星期一至五,朝9晚5),致電海洋公園熱線:39232510登記。首先登記嘅五位小朋友,可以同一位成年親友,出席8月8日嘅大熊貓生日派對,之後仲可以參加「亞洲動物天地幕後之旅」。有資格參加嘅小朋友,家長要快啲打電話。安排如有爭議,海洋公園保留最終決定權。