花旗股市前晚勁升，道指升超過200點收市，港股噚日乘勢高開，不過開市指數21610已係全日高位，中段仲試過微跌幾點，恒指收報21457，升幅收窄至44點。
滙控（005）業績靚靚，加埋花旗股市造好，港股噚日嘅表現睇嚟幾差，不過港股之前已預期滙控業績好炒定先，遇啱噚日A股晏晝急回，好自然會觸發獲利回吐，恒指再跌，喺20200會有強力支持，暫時都係上落市。
中海油C輪22164：中海油（883）噚日報收13.48元，升0.7%。中海油股價早前升破幾條密集嘅平均線，前幾日出現黃金交叉，即刻向上郁，油價升勢會Keep得住，有利中海油，可以諗吓隻C輪22164，博正股炒上14.50元。
隻輪現價7.8仙，2010年12月1日到期，行使價14.20元，溢價11.1%，引伸波幅36.9%，槓桿率17.3倍（有效7.3倍），正股升上14.5元，22164睇13.1仙，正股跌穿13.10元就沽咗隻輪。
俊樺