陳敏之早前喺深水埗開工拍攝劇集《怒火街頭》時仆倒,跌斷左邊鎖骨,噚日舊地重臨補拍戲份,要喺街上奔跑同俾街坊大鬧嘅場面,敏之話:「我都仲有陰影,鎖骨仲未好,今日跑嘅場面最多只跑五步就停機,跑時換咗波鞋拍大頭,唔想再有意外,其他就有替身頂上。」敏之跑埋呢場補戲就會繼續休息養傷。