新一屆香港小姐被指爆大冷，由陳庭欣奪冠，仲成為三料冠軍，賽前大熱全部出局，身為評判之一嘅工業界議員林大輝就唔同意賽果爆冷，力撐陳庭欣由入圍至決賽一直表現好好，被指爆冷，可能係傳媒冇留意佢啦，亦證明冇內定呢回事。
大輝今次被邀請做評判，冇人向佢解釋原因，佢自己都十分頭，斷估唔會覺得佢鍾意女。不過佢牙擦擦話有好多女實戰經驗，真係閱女無數，事關紡織界出身嘅佢不時應邀做時裝展評判，啲女model着透視裝，幾乎透明佢都見識過唔少，港姐最性感都係着件露多少少肉嘅泳裝出場，「有乜咁大不了？」
原來閉門面試時，大輝不忘向佳麗問及貧富懸殊、最低工資等時事問題，佢話港姐果然美貌與智慧並重，多數都識答，不過答案唔係佢心目中嗰個囉。佢話各花入各眼，除咗要有美貌，學歷同談吐都好重要，否則點樣代表香港。