梁詠琪（GiGi）今年5月和法國男友Sly分手，之後她去了墨西哥拍旅遊特輯、出廣東碟、養貓又學陶藝，非常充實，更火速傳出有追求者。GiGi昨日出席活動，透露學陶泥拉胚時，如進入忘我境界，也希望可和男友一起製作陶藝。她更向記者更新感情狀況，表示仍是朋友階段，未有新進展。
梁詠琪昨日在海港城出席「泥造人樂造人」陶藝展，欣賞由12名弱能人士做的巨型陶泥公仔，原定他們的導師陳玉蓮都會現身支持，但最終陳玉蓮趕不及出席。
拉胚最忘我
GiGi現時都學陶藝，但手藝自愧不如，她說：「做來做去都係杯杯碟碟，未係好勁。佢哋好叻，學咗一門手藝養活自己，啲公仔做得好靚。」GiGi謂也有將DIY的作品送給家人、朋友，但手藝未精，未夠完美，從未送過給男友，更沒資格教人。
自言很享受製作過程的GiGi續說：「拉胚時要好專心，好忘我，直情忘記咗個世界轉咁。」她謂也很渴望和未來男友一齊做小手藝，她說：「如果可以同男友一齊做手作仔，並且做一個結晶品，梗係好啦。」
稱專心工作
月前GiGi和拍拖多年的法籍男友Sly，因文化差異而分開，但不久即傳出有追求者，問她有否拍拖？她說：「唔係，大家做朋友啫，係正常社交。家冇咩新進展，專心唱片囉。」近期許志安自爆分手，傳努力追求鄭秀文（Sammi）復合，GiGi表示不知情，她說：「唔知道，我呢排都冇同Sammi聯絡。」
採訪、攝影：R.AuYeung
