每逢「偉大人物」都有一番神奇嘅遭遇，而23歲嘅中國桌球「1哥」丁俊暉（圖），就憑中國《新浪網》嘅奇趣報道，亦都變成咗一個兼具「神話色彩」嘅故事人物。話說小丁喺中巡賽成都站早段出局後，一直逗留喺四川遊山玩水，日前佢就同友人去咗《世界文化自己遺產》嘅峨嵋山觀賞樂山大佛嘅宏偉，心情靚爆嘅小丁仲同友人上咗海拔3077.96米嘅峨嵋山金頂，「神話故事」發生喺上、下山嘅事件。據《新浪網》稱佢哋上山遭一群猴子搶走食物，小丁喺下山之時見到一隻受傷嘅猴子覺得佢好可憐，就去咗買一個西瓜慨贈該猴子，呢段「西瓜送神猴」嘅經歷真係太有神話色彩，我求大俠就覺得太誇張啦！