馮仁昭四圍超末代會考o靚模謀出路 Rainbow眷戀娛圈 Betrys日本學化妝 - 馮仁昭

馮仁昭四圍超
末代會考o靚模謀出路 Rainbow眷戀娛圈 Betrys日本學化妝 - 馮仁昭

o靚模喺盛夏產物,佢哋年紀輕輕,當中唔少o靚模如Donut兵團嘅Rainbow同師妹Sweet、新8模嘅江怡(Betrys),仲有妄攝o靚模Cat,同今年初因藏毒被捕已經喺娛圈銷聲匿迹嘅毒模周凱盈(Monique)都係應屆末代會考生。
除咗Monique,其他o靚模早前仲風騷現身公開活動、書展同動漫節,不過後日佢哋就要面對現實,領取會考成績。今年嘅會考生因面臨轉制變成末代產物,一旦會考成績唔好就冇得重讀,呢班會考o靚模醉心娛樂事業,又邊應付演藝工作,日夜顛倒仲邊有時間瞓身咪書吖?

Betrys樣貌同外形都唔錯,所以佢話升唔到中六都會留喺娛樂圈發展吓先。
資料圖片

着住校服戴眼鏡嘅Betrys,素顏look清純味濃。

Rainbow預咗得5分

至於已經做咗兩年o靚模嘅Rainbow,事業前途未見光明,但佢仍樂意浮沉喺演藝界,商科生嘅佢今年考咗6科,佢噚日話:「我諗自己成績有5分以上,我覺得會考唔係一切,就算考得唔好,我都已經諗定自己嘅方向,我想去報讀實用嘅課程,我將來想成為一位營養師。」不過Rainbow心多多,佢又想報讀演藝學院,佢話想學以致用喎,明顯對演藝事業唔心息。

貌似李嘉欣嘅妄攝o靚模Cat都係末代會考生,佢後日都要面對放榜。
資料圖片

因藏毒而銷聲匿迹咗一段時間嘅o靚模Monique都話今年會考。
資料圖片

Betrys緊張到病倒

32B咪咪、貌以胡杏兒嘅Betrys對於越近放榜嘅日子就越緊張,噚日仲病咗,文科生嘅Betrys會考報考咗8科,佢噚日喺電話講:「我好緊張,唔知自己考成點,無論點都好,我都對得住自己,因為我真係盡咗力,雖然可能未必達到屋企人嘅目標。」Betrys話自己最有信心係中文科,佢話:「我諗呢科會有3分,但最冇信心係地理科,我追得好辛苦。」
今日啱啱18歲生日嘅Betrys話諗定晒後路,考得好繼續升學,考得唔好就做幾年藝人後再到外國進修,佢話:「希望賺幾年錢,去日本學化妝。」