求驗客手記:被AC新帥嫌棄 碧咸要重振雄風 - 求驗客

求驗客手記:被AC新帥嫌棄 碧咸要重振雄風 - 求驗客

所謂「新官上場三把火」,不過意甲球隊AC米蘭嘅新帥艾基利把火,就似乎燒錯對象,佢有自己隊波唔講,無端端燒到英格蘭中場碧咸(圖),佢喺上周六酋長盃1:1打和阿仙奴後話:「我認為AC唔會再借用碧咸,以佢咁嘅年紀(35歲)同埋受咁重嘅傷患,相信好難再可以喺頂級大球會立足!」我求大俠就覺得艾基利咁講太過份,完全冇理「萬人迷」嘅感受;以碧咸嘅鬥志同質素,我就相信碧咸隨時可以剝艾基利棚牙。