王祖藍一連三場在灣仔伊館舉行的talk騷，前晚舉行最後一場，不少圈中好友如吳君如、阮兆祥、李思捷及黃宗澤等到場支持，其中祖藍和嘉賓鄭欣宜在台上扮的林峯及徐子珊當晚亦親身捧場。
祖藍透露請來扮嘢前輩盧海鵬到場睇騷，另外還有鄭少秋及久違的黃韻詩，令他深感榮幸，他說：「全場近2000位觀眾一齊向鵬哥致敬，配合晒我今次向笑匠致敬主題。」
愛做細場易控制
問到有否想過加場？祖藍表示因場館檔期已滿，故未能加場，有否想過進軍紅館？祖藍說：「唔得，喺呢啲細細哋嘅場先有嗰種感覺，我先控制到，家我都好滿意。」祖藍謂希望下次開騷可以以新主題及內容出現。
採訪、攝影：楊潔雯