萬梓良昨日在文化中心演出最後一場舞台劇《魔鬼契約》，他表示完成演出後最想休息：「我今次真係好感激觀眾同資深影評人畀我好高評價，希望我嘅演出冇令大家失望。」
問萬梓良覺得拍劇跟演出舞台劇比較，哪樣較辛苦？他說：「兩種唔同享受，拍劇係為咗搵食為咗生活，做舞台劇係作為演員嘅最高享受，可以將自己嘅功能表現晒出嚟，聽到觀眾嘅掌聲係至高無上嘅享受，每一場戲每一句對白都好難忘。」
想添食踏台板
問到會否再次演舞台劇或返無綫拍劇？萬梓良說：「第二套舞台劇未有人搵，如果有人邀請會盡量演出，至於拍劇我都講過好多次，無綫搵到我先算啦。」
採訪、攝影：李珮洳