港股上禮拜五下跌64點，成個7月計升4.47%，都算係翻身，跟住會點？後市仲係樂觀，不過成交仲係弱啲，炒上去可以睇21750至22400。
花旗股市上個月嘅升幅仲犀利，有約7%升幅，道指上周走勢反覆靠穩，技術上仍然係伺機試高位。商品指數升完再升，上日出現重大突破，短線炒商品股唔會錯得去邊。
中材C輪22064：中材股份（1893）上日報收6.08元，升4.2%。股價喺6月底升到100日線轉橫行，7月中升至250日線又整固，早幾日現黃金交叉，開始推上，係好穩陣嘅逐步推高手法，料試7.40元，破位睇7.80元，可以諗吓隻C輪22064。隻輪現價14.8仙，2011年6月29日到期，行使價6.88元，溢價37.5%，引伸波幅75.6%，有效槓桿率2.4倍，正股見7.80元，22064睇25.9仙，正股跌穿5.50元就沽咗隻輪。
俊樺