謝婷婷以模特兒入行，今年第一次闖影壇，在新片飾演李小龍女友，進軍娛圈第一步算是順利。早前她成為化妝品牌廣告女郎，做回本行拍廣告，即時醒神性感，更謂女性要時刻裝備，準備碰上心儀異性。
謝婷婷近期忙在內地拍首部電影《少年李小龍》，她之前以模特兒身份出道，力谷個人風格，最近獲邀擔任名牌化妝品EsteeLauder為期一年的StyleIcon，早前拍攝了第一輯PureColor高清純色系列廣告。
高貴賣性感
婷婷在studio內拍足超過12小時，穿上多套黑色高衩裙、短裙和杏色露肩tubedress，性感高貴sell美肌及長腿，又不停試甫士。婷婷中途等候時，與化妝師玩推骨牌，又自己補妝，更貪玩為工作人員化妝，她說：「好開心今年有好多唔同方面嘅新嘗試，除咗第一次拍戲，又同EsteeLauder首次合作，我仲擔任StyleIcon，覺得事事都好順利。」
要勤於扮靚
提到美妝心得，婷婷覺得眼妝和唇彩很重要，她說：「女性一定要有自信同動力去扮靚，眼就係一個妝嘅靈魂，唇就畀人性感感覺。當你無意間遇到心儀男仔時，都可以即時畀佢睇到最靚、最吸引嘅自己。」
撰文：DebbieLum