港股在21000點關前勁吹無定向風之際，內地資金卻於7月全面湧入市場，一洗自4月以來頹氣，港股繼續要睇A股頭。
全國社會保障基金及社保基金理事會即將度過其第一個10年。最新統計顯示，224家公佈中期業績公司當中，社保基金在26家現身，只有3家遭減持，19家更為加倉增持，值得留意嘅係，10家新加入建倉公司之中，有5家來自中小板及創業板公司，反映社保基金投資風格取向由穩健轉為進取甚至有啲「激」。從時機上的掌握，不難發現社保基金是在6月趁A股低迷之際大舉買入，對股市具備維穩作用之餘，更反映其反向操作嘅投資策略，即係趁股市熱炒時退出，股市遇冷鋒時入市。
由穩健轉為進取
企業要實現可持續發展，必須要有新思維，好似A股上市嘅蘇寧電器，就剛剛宣佈，由70後嘅金明繼任企業總裁一職，特別嘅係，5名變動高管當中，就有4名屬於70後，因此，新人唔應該再埋怨啲舊人霸住個位。
中投近年招兵買馬，海歸派當時得令，同時社保基金理事會亦同樣再次啟動新人招募計劃，且把招聘範圍擴展至2011年應屆畢業生。
社保基金無論在A股市場、海外市場及私募股權（PE）領域投資步伐均明顯加快及進取所致。根據社保基金理事長戴相龍之預計，今年全國社保基金總量可達到1萬億元，同時力爭2015年基金規模將要達到2萬億元。假如年底中國股票投資要佔比重達30%，下半年就將會有600到700億元資金投入股票市場。早前有報道指社保基金今年整體投資回報率目標要達6%，然而在上半年股票投資收益輕微虧損基礎上要達標，下半年肯定要力求買起個市。較激嘅投資策略，社保基金已咁心急要達標，對後市方向似乎提供了啟示。
胡孟青
獨立股評人