亞視今年找來Donuto靚模團及妄攝女玩水運會迎戰無綫港姐競選，眾女昨日齊齊穿上泳衣到荃灣，為今晚播出的節目《青春無敵FreeD水運會》宣傳，吸引逾百人圍觀，其間妄攝o靚模Debby欲與圍觀市民握手，卻遭對方強行拉向圍柵，幸得工作人員及時制止。
Debby遭途人強拉
Debby事後直言被嚇親，她說：「我只係想同佢握手滿足fans要求，冇諗過佢會捉住我唔放，真係好驚。」Rainbow得知Debby被途人強拉後，即笑謂：「咁激動？可能都係想親近吓佢啫，我自己未試過遇到呢啲情況，如果真係遇到，我諗我只會O嘴。」
另一妄攝o靚模Iris玩遊戲時則出現「漏奶」情況，她笑謂不是自己身材太好，只是香港泳衣size不合她，她說：「我已經着到最大喇，香港size唔啱我，不過我都黐晒膠紙同乳貼。」後來Kinki見Iris泳衣移位，欲幫她拉好，卻不小心一拳打落其胸部，拉泳衣時又太大力幾乎令Iris走光。
提到筱靖不屑跟她們錄節目一事，Donut跟妄攝o靚模均表示知道此事，妄攝o靚模Kinki更明寸筱靖年紀大，她說：「我哋唔會介意，佢係前輩，個節目都係sell青春，都係成班年輕人一齊玩，我哋玩得好開心。」
採訪、攝影：譚倩宜
