iPhone4正式殺入香港，泛民資訊科技界選委、香港資訊科技商會會長方保僑（Francis），前晚連踩兩個iPhone4派對，早喺凌晨兩點鐘已經攞到iPhone4在手。
Francis噚日出席一個公開活動，拎住新手機出盡風頭，好多人對佢部機十分有興趣，香港行貨未有bumper，Francis部iPhone4卻已戴上紅色保護套，原來佢一個月前去過日本睇iPhone4銷售情況，當地已有各式配件上市，佢醒目先買定個靚套。
Francis係蘋果fans，除咗iPhone4，仲帶埋iPad同iPhone3GS出街，佢話因為出機時未能即時出新sim卡，要等到噚日下晝先用到，所以要帶多部手機。