愛與恨絕對只係一線之差，好似「大帝」勒邦占士、保殊（圖）轉投熱火後，佢兩個就變成犯眾憎，速龍總經理哥利哲奴怒插保殊上季成日詐傷，而日前有位球迷着住占士嘅熱火6號球衣去睇美職棒球隊克利夫蘭印第安人（ClevelandIndians）時，就因為着錯衫激起民憤，最終要被護送先走到，可見怨恨呢樣嘢真係威力好大o架！美國《體育畫刊》唔知係咪想同大家出出氣，就搞咗個「體壇歷來最乞人憎的25支球隊」，有SuperBig3嘅熱火當然榜上有名，之不過佢哋家一場都未打，暫排住25位先。