早排牙痛咁聲話最低工資定喺33蚊就要發盈警嘅大家樂（341）主席陳裕光，有人工加，佢對手大快活（052）噚日出年報，主席羅開揚（圖）上年人工750萬，比前年升23%，主要係多咗134萬花紅。CEO陳志成仲犀利，加人工77%去到305萬，花紅由25萬去到114萬！又話最低工資超過30蚊可能炒人兼執笠，唔係好難同股東交代？咁老陳同老羅又諗住點同股東交代佢兩位嘅加薪呢？