花旗聯儲局嘅經濟報告反映花旗經濟增長唔理想，同之前伯南克喺聽證會講嘅差唔多，股民憂慮經濟前景，股市回落，事實上，道指已經逼近阻力位，就算冇利淡消息，都會趨向整固。
港股喺賣地之後由燦爛復歸平淡，期指結算日恒指全日窄幅波動，最後微升2點，成交又縮番落600億元樓下，不過技術指標就進一步向好。
東風C輪22810：東風集團（489）噚日報收10.82元，升2.9%。股價喺過去1個月受制於250日線，呢個禮拜開始異動，推向100日線，成交明顯增加，噚日出現技術突破，揸耐少少有機會見13.70元，可以諗吓隻C輪22810。隻輪現價21仙，2011年3月30日到期，行使價10.80元，溢價19.2%，引伸波幅59%，槓桿率5.2倍（有效3.1倍），正股見13.70元，22810睇40.9仙，正股跌穿10元就沽咗隻輪。
俊樺