公屋大牌檔十居其九裝修簡陋，食客吃鑊氣不是吃裝修。沙田瀝源邨大牌檔揸fit人B哥推翻這個觀念，將廢棄的砧板、木線轆、紅酒樽、托盤甚至單車轆注入友情及親情，改造成平靚正的吊燈、雜誌架、立體壁畫以及反思生命的雕塑，令大牌檔充滿藝術氣息。攤檔又「收留」遭街坊遺棄的「流浪植物」綠化環境，「客人唔係淨係食碗麪咁簡單，希望佢哋嚟到可以諗吓多啲關於生命嘅嘢，有得着、好享受咁埋單離開」。
緬懷舊物 反思生命
B哥名叫張文強，48歲，父親早在50、60年代於沙田舊墟開設盛記麵家，其後生意越做越大，變成屋邨商場地下的盛記大牌檔，他是第二代掌舵人。B哥年輕時是攝影發燒友，其兄亦略懂木工，90年代二人為店舖打造「盛記麵家」牌匾，「我阿哥自己逐個字雕出嚟，當時只係貪玩」。
兩年多前，兩兄弟正式開始為店舖改頭換面，首件作品是入口處的吊燈，以寫滿《海闊天空》歌詞的枱板作承托，紅酒樽為燈罩，是友情歲月的見證，「十幾年前我同兩個相識好耐嘅死黨成日一齊唱K，必定唱《海闊天空》；其中一人08年突然離世，好傷心，唱K嘅開心片段冇可能再發生」。吊燈不像大酒家的金碧輝煌，但注滿感情，「又環保又平，淨係要燈膽同電線錢」。
之後B哥不斷創作，將朋友送來的木椅加工，配上木公仔及砧板製作的「生命迷宮」牌，再在牆上用運載蔬菜的發泡膠箱砌成巨型問號；旁邊牆壁則貼上大量黑白相片，「啲相從一本《死亡的書》撕落嚟，係講對生命嘅睇法，由細路仔起，生老病死唔同嘅愛」。兩幅牆互相呼應，令食客思考生存意義，「呢啲裝飾都係廢物利用，總之唔好淨係講錢，邊食嘢邊諗吓生命為何」。
街坊欣賞 送贈素材
另外，大牌檔內有用托盤、碟及單車轆組成的壁畫，鐵鏈及木線轆造的雜誌架等裝置藝術品，佈滿天花及牆壁。B哥指街坊十分喜歡這些裝置藝術，很多街坊送來木枱、鐵轆供他改造，「有街坊將養唔到嘅植物盆栽都送嚟，我收留後用嚟綠化呢度囉」。
他自言將大牌檔當成一棵大樹，環境屬於大家的，自己不是老闆而是守護者，因此這裏冇門冇戶，「唔驚人偷，啲嘢鍾意咪攞去囉」。很多街坊在此「打躉」，不少人出國回來再光顧，緬懷鄰里舊情。
盛記去年曾因租約問題告急，B哥早前無奈接受領匯苛刻的續約要求，由原來租用一間舖變成租六間舖，才獲准名正言順續用原來舖位外已佈滿藝術裝置的有蓋空間，成功維持原狀的代價是租金增五倍至逾3萬元，「額外租嗰五間舖仲丟空緊，唔理住啦」。欲知B哥更多事迹，今晚7時可收看亞視本港台播出的港台節目《樂活自由人》。
記者張文傑