剛病癒的周麗淇昨晚在金鐘出席時裝活動，她電了一頭爆炸頭，甚有新鮮感。書展結束，o靚模寫真改闖動漫節，周麗淇則自認今生今世都沒興趣再拍寫真，自詡已拍了不少靚相的她，性感寫真只留待下世，但不知下世是否還有人想買？
日本品牌Zucca昨日在金鐘舉行2010秋冬時裝騷，今季靈感以住在高山的人，每天面對森林、天氣的變化，整個系列充滿大自然元素，色彩盡是高地的啡、灰白和草綠等。
爆炸頭刺激自己
周麗淇、周柏豪、吳雨霏等出席看新裝，周麗淇炮製了一個爆炸頭出現，她自爆感冒卧床4日，病懨懨只能吃阿媽煲的愛心粥，她說：「今日畀啲刺激自己，之前病到個人瘟瘟沌沌，只想快啲好番。」
近期o靚模寫真熱賣，舒淇都心郁郁想拍，笑言期望下世，問自爆有逛書展的周麗淇，可會趕及30歲前影寫真留念，她說：「無論1字頭、2字頭、3字頭定4字頭，我都唔會影寫真。我近年都影咗唔少靚相，太性感真係接受唔到，呢世都唔會影寫真，留番下世啦。」因為沒身材？她笑笑口說：「我都有啲o架。」
Kary遇氣流嚇親
此外，Kary剛由日本回港，遇上黑雨更滯留機場，她說：「飛機喺半空時，遇到氣流都好驚，驚到標晒汗，到咗之後，行李又延誤，家我都未拎番。」周柏豪則為下月舞台劇狂谷肌肉，他說：「可能到時要裸露，着底褲見人，同埋CD封面都要着leggings，所以都操弗自己，操到家有6+2嚿腹肌，仲試過操到眼球爆微絲血管。」
採訪：RitaLeung
攝影：EdwardChou