花旗股市前晚嘅表現只係一般，不過港股噚日有賣地照住，反覆造好，恒指再升117點，報收21091，突破21000關，成交增加至624億元，算係配合升勢。
山頂地皮以104億元售出，係一個理想嘅價錢，雖然山頂樓價格唔可以做市區樓嘅指標，但係對下個月拍賣嘅市區地皮肯定有正面作用。至於港股短線走勢，今日期指結算之後會更為清晰。
馬鋼C輪22813：馬鋼（323）噚日報收4.26元，升1.9%。股價喺過去幾個月一直受制於50日線，走勢偏淡，上禮拜突圍成功，扭轉弱勢，早幾日喺100日線略為整固，呢兩日又再異動，上破4.68元之後，睇5元，可以諗吓隻C輪22813。隻輪現價61仙，2010年12月30日到期，行使價4.20元，溢價12.9%，引伸波幅52.3%，槓桿率7倍（有效4.1倍），正股見5元，22813睇1.11元，正股跌穿4元就沽咗隻輪。
俊樺