【2010動漫電玩節之魔高一丈】「第十二屆香港動漫電玩節」於明日揭幕，早前大會以控制人流為由，不准周秀娜及JessicaC.等具知名度的模特兒入內宣傳，不過據知兩人今日會孖住率先踩場。其他o靚模紛紛發功，同樣被拒做gamegirl的浸大咪神楊梓瑤今日也強攻動漫節。
今年o靚模被貿發局禁止在書展搞簽名會後，o靚模本叠埋心水留待明日的「第十二屆香港動漫電玩節」發功，竟又遭動漫節大會留難，並以人流控制為由禁止具知名度的o靚模入內造勢，令到原本在開幕日為XBox宣傳的周秀娜和JessicaC.都被拒入場，但百果園E神陳靜、日本女子組合Puffy等又獲准進場，擺明大細超。
「收酬勞盡本份」
不過據知在書展大鬥寫真銷量的周秀娜和JessicaC.今日會由敵對連成一線，挑戰大會禁令踩動漫節場，由於今日動漫節會率先開放給傳媒參觀，所以兩人將獲XBox安排入場內試玩新game，她們也會孖住出席公開活動。對於今日踩場一事，周秀娜昨日在電話中表現避忌，並大賣關子表示會待參展商安排，她說：「咁我有收酬勞，點都會盡好本份，自己都好想瞓身體驗一下啲新遊戲。」
其他o靚模得知周秀娜和JessicaC.攜手搶頭啖湯後，她們怕執輸都紛紛各出法寶在今日攻陷動漫節，原本浸大咪神楊梓瑤（Carol）獲Enterbay參展商安排在攤位內當駐場gamegirl，但參展商就遭大會施壓拒絕Carol做gamegirl，並建議她以顧客身份進場。
Carol無所適從
Carol昨無奈地說：「我會尊重大會，總之參展商叫我點就點，啲嘢成日變，自己無所適從，但我會聽日（即今日）去試game。」至於沒有被拒入場內的陳靜，為怕輸了氣勢，也事先張揚會於今日率先踩場試game，並預告在開幕日為三名幸運粉絲剪Tee。
此外，Carol昨日到灣仔出席美食節活動，對於周秀娜等被禁足動漫節一事，她說：「真係好無奈同冇辦法，做乜嘢都阻止唔到大會，所以我都係安份守己，自己都算僥倖，都係唔好寫我咁多，一陣話我阻住地球轉。」
採訪：比華利、王崇穎
攝影：仇志德