【本報訊】八達通出售客戶資料圖利事件只屬冰山一角。私隱專員吳斌昨透露，公署近日曾裁定兩間銀行違反個人資料私隱條例，其中一間承認，將20萬名客戶資料轉交第三者機構，但拒絕透露收取多少酬勞。有前銀行宣傳部員工爆料，指銀行將客戶信用卡資料轉售其他商戶的做法，業界已習以為常，「一般都係按人頭計，賣50萬個客收番50萬蚊」。
吳斌昨指，涉及銀行違反私隱條例的個案繁多，最近兩宗個案已有裁決，但兩銀行均不服，正向行政上訴委員會上訴。其中一個個案的申訴人指，收到聲稱銀行代表致電銷售保險，事主以為對方為銀行職員，基於信任而與對方對話，惟吳斌未有透露保單成交與否。
吳斌：絕非個別事件
吳斌強調事件絕非個別事件，「開戶嗰陣佢係有講明可將資料交畀其他商戶，形成漁翁撒網，所列嘅條文太空泛，又喺密麻麻嘅地方插入，消費者未必發現，亦根本無法預期資料會去到邊，而消費者可以揀嘅只係簽名，或者唔開戶」。
曾於一間中資銀行宣傳部門工作的吳先生透露，不少銀行均有將客戶信用卡資料售予其他商戶，「通常都係美容、珠寶公司，聯絡話要買資料庫，咁我間銀行成個庫大約50萬個客嘅資料，咪按1蚊個或者5毫子一個收錢。主要都係通訊地址，但有時都會有客戶電話、信用卡號碼最尾四個數字咁。寄去客戶度張宣傳單張雖然有銀行名，但係其實唔係銀行出嘅」。他指，銀行平均一年收到三至四個交易要求，每年有近百萬元收入。
金管局副總裁阮國恒表示，已檢視了數間大型銀行，暫時未有發現有銀行將客戶資料交予第三者。