有線主播衞志豪早排酒後駕駛被罰停牌一年，有線都罰佢停工一個月閉門思過，前幾日譚詠麟演唱會尾場，就係衞志豪復工嘅第一日，於是就去探訪吓老友，大家都係明星足球隊成員，阿倫都要再勸告同鼓勵吓佢，衞志豪話：「今次停工一個月算係小懲大戒，咁啱撞正世界盃，冇咗好多出鏡同賺錢機會，我終於明白犯錯係會令把握喺手嘅機會溜走。」