食住上禮拜五花旗股市嘅升勢，港股噚日逼向21000關，但恒指升到20963就止步，因為技術上21000至21100的確有幾大阻力，恒指最後只升24點。
日線圖現陰燭，成交縮但指數仲係上升收市，暫時當整固睇，係先回試100日線定係伺機破關炒上，要睇花旗股市同A股嘅表現，地產股有勾地消息支持，樓市氣氛又好，短線會繼續支撐大市。
新地C輪21158：新鴻基地產（016）昨收114.80元，升0.79%。股價打破近日橫行格局，開始推上，雖然116元會有阻力，但地產股短線睇好，新地又係龍頭股，破關炒上128元機會唔細，可以諗吓隻C輪21158。
隻輪現價17.7仙，2010年10月20日到期，行使價100元，溢價2.5%，引伸波幅39.3%，槓桿率6.5倍（有效5.2倍），正股升上128元，21158睇29.1仙，正股跌穿110元就沽咗隻輪。
俊樺