香港專業教育網噚日公佈第12屆香港最佳大學排名榜，港大再做龍頭，中大得分雖然低咗，但仍然保住阿二地位。但中大前校長劉遵義（圖）就冇咁好彩，喺民意榜由第三位急跌到尾二；喺由中學校長評分嘅學界榜更包尾，真係冇面畀。
調查負責人時美真話，對呢個咁戲劇化嘅調查結果都感到好詫異，估計係因為調查撞啱喺新民主女神像擺放中大事件期間進行，唔多唔少都有影響。劉遵義除咗俾中大校友譏諷為歷來最失敗校長之外，今次仲獲頒多咗個包尾校長銜頭，估計已經做咗中信資本控股有限公司副董事長嘅劉遵義，同煲呔一樣，視呢啲民望嘅嘢，係浮雲囉。