炎炎夏日正好眠，係人都唔想返工匿喺被竇瞓覺嘆冷氣，基金芬佬都唔例外，好多都會趁呢段時間休息叉電。昔日係明星分析員，家做咗基金經理嘅陸東（圖），又會做啲咩？估唔到係「做義工」。咁有善心，原來都係想喚起社會人士齊心支持，幫吓班被社會忽略嘅復康人士！
呢位財經大紅人同華華講，今次除咗出錢，仲會出力，幫手舉辦同宣傳「泥造人樂做人」陶藝展覽，展出嘅陶塑，全部由聖雅各福群會陶藝工作室成員做o架！佢哋冇被先天殘障局限，成功創作咗好多獨特嘅陶塑人像，「泥人」都係用笑面迎接每一位敞開心懷嘅朋友，期待大家感受到箇中快樂。
開幕禮喺下個禮拜一下晝兩點半響海港城舉行，到時陸東仲會出任主禮嘉賓o架！
李華華