舒淇以拍攝超性感寫真入行,成績發展有目共睹。對於不少o靚模挑戰性感尺度拍寫真,舒淇昨日力撐「靚、索、正」三字,她大讚Angelababy是美人魚、周秀娜(Chrissie)健康性感,令人有遐想。記者問她會否有意再拍寫真,她即說:「想影,不過要等下世了。」
舒淇也加入電玩大軍,昨日她在海港城宣傳以自己為肖像的onlinegame遊戲網站goyeah.com。以拍攝性感寫真入行的舒淇,對於一眾o靚模在暑期紛紛以性感寫真出擊,她再次力撐說:「佢哋靚、索、正呀,自己個個o靚模都睇過,唔同人唔同味道,Baby喺寫真成條美人魚,Chrissie健康,令人有遐想。」
自稱冇條件拍
有男記者指周秀娜在寫真中有食腸等構圖,舒淇即反問說:「你唔食咩。」對於o靚模被指意淫,她說:「如果覺得咁,係咁,如果覺得靚咪靚。」記者問她會否有意思再拍寫真,她說:「想吓,下世啦,因為下一世先可以變番o靚模,冇咁嘅條件。」
此外,舒淇透露將於月底到三亞開拍電影《非誠勿擾2》,她謂續集中對白場口多了很多,她笑說:「我講廣東話唔得,普通話又唔得,導演要求北方腔多啲,幾難,我上一次試過一句對白要拍20、30次,最難要keep住情緒,就算呢個年紀冇人話都好瘀,所以會專業記熟對白。」
新片加國參展
而舒淇與甄子丹主演的新片《精武風雲.陳真》除了成為9月威尼斯電影節開幕禮當日播放的電影,昨日又有喜訊,就是成為多倫多國際電影節特別推薦電影,舒淇謂已向《非誠勿擾2》導演馮小剛請假4天到威尼斯。
採訪:R.AuYeung
攝影:ChanChiLam