書展今日結束，社民連核心今年好勤力，唔少人都有著作，連出兩本書嘅前主席黃毓民話著作銷情唔錯，相信可以為黨校籌到唔少錢。
向來出口成文嘅毓民噚日仲為近期大熱嘅袁崇煥名句補充資料，話1930年陳公博一首《竹枝詞》，當中兩句係「國事果真丟那媽，此行心意亂如麻」，唔係粗口，仲好啱香港用。
社民連新人輩出，相信下屆區議會可以大展拳腳。至於2012年立法會選舉，毓民不諱言如果加多五席，社民連大有機會喺五區各取一席。
雖然社民連喺後生仔群體中氣勢如虹，但大佬之一嘅陳偉業就有意言退，表明考慮下屆立法會選舉排第二，畀後生仔上位，唔知邊個新生代可以接到大嚿班呢？