王祖藍嘅talk騷即將舉行，噚日佢同嘉賓鄭欣宜喺九展綵排，原來祖藍到時會扮林峯，欣宜就扮徐子珊，同祖藍大跳辣身舞，兩個扮嘢精同台演出，相信都幾精采。不過祖藍咪抄足林峯個唱橋段？佢話相信林峯唔會介意。至於女友因為到時唔得閒所以唔可以去捧場，係咪因佢同欣宜有辣身演出令女友呷醋先唔睇？祖藍話：「可能啩。」