小休一輪的黃婉佩（Race）並不只沉迷拍拖，而是做個孝順孫女返回老家新加坡為嫲嫲賀壽。自言是個快樂summergirl的Race，近期心水是看來飄逸的裸色，對於東洋品牌TsumoriChisato，Race指當年由銀包仔入門至今已成長期粉絲，最欣賞就是一份開心繽紛DNA。
黃婉佩透露早前返回老家新加坡，為年屆84歲的嫲嫲賀壽，她說：「嫲嫲一手湊大我，我哋關係好close，佢今年84歲啦，講真唔知仲有幾多個生日，可以嘅話梗係多啲陪吓佢啦。」
配搭取決心情
來自新加坡的Race自言是天生的hotsummergirl，最愛背心熱褲凉鞋通街蕩，她說：「初初出道嗰幾年，幾乎每套衫都唔係自己揀嘅，慢慢影多咗fashionshoot，自己又刨多咗時裝雜誌，就開始識搵出自己鍾意嘅衫、鍾意嘅牌子嚟着。」
Race續說：「我係典型睇心情而有唔同打扮嘅人，要我長期一種look實悶死我，好似RockN'Roll窩釘look，我就真係好厭啦，呢期好鍾意nudecolour，或者我係summergirl啦，nudecolour配薄薄布料，好似secondskin咁，夠晒舒服清爽。」問她愛清爽look，性感底線是怎樣？她說：「因為要舒服行先，所以底線都係安全性感囉，着得少但係就住就住驚走光，咁就一啲都唔舒服啦。」
鬆身肥瘦都啱
問Race何時愛上TsumoriChisato，她說：「初初嚟香港由買銀包仔開始囉，我鍾意呢個牌子係永遠一見到啲顏色、公仔圖案就自然心情好，同埋設計師好smart，佢啲鬆泡泡嘅剪裁肥同瘦嘅人都好夾、唔會odd。」
暢遊馬戲團
看見Mercibeaucoup的天天細蚊女，更明顯地印證了上一代可愛教主TsumoriChisato季季成長，但是可愛童話式幻想怎樣也是TsumoriChisato的基因。
TC最新秋冬系列以千奇百趣馬戲團為創作靈感，衣衫由鬆身泡泡恤衫裙至收身的圖案裙均上架候駕，小物則是童話式、馬戲團的延續，阿拉丁神燈、黑貓仔、星光scene等均是設計師津森千里年漸長卻又夢想永恒回春的把戲仔。
採訪：MichelleLeung
攝影：MatthewLam
髮型：WingofHairCulture
場地提供：TsumoriChisato（百德新街）