港股上禮拜連升多日，禮拜五仲有較大嘅成交配合，逼向21000關，當晚花旗股市造好，道指再升102點，有利恒指今日繼續推上，不過21000至21100區域嘅阻力唔細，要突破唔容易，要企穩樓上更加唔容易。
如果要大力抽高，就要睇吓A股向上嘅力度，九龍塘啱啱有塊地皮勾出，亦會有助港股嘅氣氛，睇實地產股嘅走勢，應該會有啟示。
光控C輪22673：光大控股（165）上日報收19.96元，升2.8%。股價以3頂突破嘅姿態升越250日線，成交對辦，好大機會上試4月高位22.20元，破位睇23.20元，可以諗吓隻C輪22673。隻輪現價26仙，2010年11月29日到期，行使價20元，溢價13.2%，引伸波幅57.2%，槓桿率7.7倍（有效4.3倍），正股升上23.20元，22673睇47.2仙，有超過8成升幅，正股跌穿18.90元就沽咗隻輪。
俊樺