由官場走入議會嘅葉劉淑儀辭鋒有幾銳利，大家喺佢力戰政府降低舊樓強拍門檻一役已經見到。識英雄重英雄，葉太噚日自爆喺議會入面都有位自己好欣賞嘅同僚，就係職工盟李卓人。阿人迷倒葉太，在於佢可以用既通俗嘅又動聽嘅方法去表達意見、感染市民，名副其實係soundbite王。
葉太冇講到佢同阿人相比之下，邊位更加牙尖嘴利，但好明顯煲呔等政治問責官員嘅演講才能就技遜一籌，葉太不諱言做政治家首要學習嘅就係演說時唔好用貓紙，要同市民有眼神接觸，喺呢方面唔使葉太講大家都知道煲呔有幾水皮。葉太建議新一屆政府增設SpeechWriter，提升政府中人演說水平。