古巨基噚日喺大埔超級城為佢隻新唱片搞簽名會,基仔照番唱片封套造型着住睡衣出場,仲話唔係只得o靚模會着睡衣喎!聽佢咁講就知冇睇過o靚模寫真啦,o靚模又點會着睡衣咁密實先得o架!跟住佢仲批評話o靚模風氣唔好,寫真又踩界,翻開雜誌見到o靚模一啲寫真相覺得好意淫。基仔又乘機宣傳唱片入面其中一首歌叫《北半球選美離奇火警事故》,就係諷刺時下嘅o靚模現象嘅。